Нартай Бекежанов атындағы қазақ академиялық музыкалық драма театрында Қазақстанның еңбек сіңірген қайраткері, "Құрмет" орденінің иегері, Қызылорда облысының Құрметті азаматы,  театрдың көркемдік жетекшісі Хұсейн  Әмір-Темір Жүсіпұлының 80 жылдығына арналған "Сергек жас-80" атты театрландырылған бағдарламасы және "Театр тағдыр-тұмарым"! атты шығармашылық кеші болып  өтті.  Кеште алғашқы болып облыс әкімі Гүлшара Наушақызы сөз сөйледі. Кешке Қазақстан және КСРО  халық артисі, Қазақстан Мемлекеттік сыйлықтарының лауреаты Асанәлі Әшімов бастаған өнер майталмандары қатысып, шапан жауып құрмет көрсетті. Әр өңірдің облыстық театр басшыларының бейне құттықтауларымен жалғасты.  Өнер ұжымына риза болған көрермен қошемет көрсетті. Кеш соңында Қазақстанның еңбек сіңірген қайраткері Әмір-Темір Хұсейн Жүсіпұлы кеш қонақтарына, көрермендерге алғысын білдірді.