СЫБАЙЛАС ЖЕМҚОРЛЫҚ ТӘУЕКЕЛДЕРІНЕ ІШКІ ТАЛДАУ ЖҮРГІЗІЛЕДІ

Сыбайлас жемқорлық тәуекелдеріне ішкі талдау обьектісі болып «Қызылорда облысының мәдениет, архивтер және құжаттама басқармасының «Н.Бекежанов атындағы Қызылорда облыстық қазақ академиялық музыкалық драма театры» коммуналдық мемлекеттік қазыналық кәсіпорны табылады.

Талдау келесі бағыттар бойынша жүргізіледі:

1) қызметін қозғайтын нормативтік құқықтық актілерде (әрі қарай - НҚА) сыбайлас жемқорлық тәуекелдерін анықтау;

2) Ұйымдастырушылық-басқарушылық қызметіндегі сыбайлас жемқорлық тәуекелдерін анықтау.

Сыбайлас жемқорлық тәуекелдеріне ішкі талдау басқарма мен басқармаға қарасты квазимемлекеттік сектор субьектілерінің бұйрықтарымен бекітілді. Талдау жұмыстары 2024 жылғы 1 наурызынан бастап 2025жылдың 3 наурызын қамтиды.

Осыған орай, аталған салаға қатысты сыбайлас жемқорлық фактілері, басқа да құқық бұзушылықтар туралы нақты ақпараттарыңыз, арыз-шағымдар мен ұсыныстарыңыз болса, Қызылорда қаласы, Айтеке би көшесі, 44 А ғимаратта орналасқан «Қызылорда облысының мәдениет, архивтер және құжаттама басқармасының «Н. Бекежанов атындағы Қызылорда облыстық қазақ академиялық музыкалық драма театры» коммуналдық мемлекеттік қазыналық кәсіпорны мекемесіне келуге, E-mail: kzdramteatr@mail.ru электрондық поштасына жолдауға, сонымен қатар Басқарманың қабылдау бөліміне 8(7242) 70-66-29 нөмірі арқылы хабарласуға болатындығы жеткізіледі.

Құрметті азаматтар сыбайлас жемқорлық тәуекелдерін анықтауға белсенділік көрсетіп, өз үлестеріңізді қосуға шақырамыз.